بتذكرك وتجن غنية-نغم عرنوق
28 مارس، 2020
Share
كلمات وألحان وغناء نغم عرنوق يمكنكم سماع هذه الاغنية الرائعة عبر الضغط هنا.
“بتذكّرك وتجنّ غنيّة
وتمرق على خصور السنابل ريح
تحفر على حدود العمر تجريح
ودروب منسيّة ..
طاحونة الأيام عم تبكي
خيالات ناس توشوش الضحكة
وتغلّ بهاليل تدقّ بواب مضويّة…
ويطلّ وجِّك متل رنّ جراس
يخطف الدنيي حواليي
يمرق على روس الجبال
يزوزق الوديان
ويهجم متل شي غيم حابس دمعتو
ويمطّر عليّي
وعيون بتصلّي السما فيهم
صاروا صلا وجناح غنيّة
بيلوّحوا ببالي
واتلفّت بهالليل
أوعى عَلى حالي
حسّ الدني
كمشة بإيديّي
بتذكّرك وتحنّ غنيّة”
0
0
